‘Një ditë, papritur, burri im më tha se ndihet grua dhe se do të jetojë si grua’

Jam e martuar prej 27 vitesh me një burrë që e dua shumë. Kemi qenë gjithnjë të lumtur dhe jeta jonë se.ksuale ishte pasionante deri para dhjetë vitesh, kur më tha se donte të jetonte si grua. Nuk më paralajmëroi, nuk pati asnjë diskutim dhe normalisht u shokova; i thashë se nëse do të operohej, martesa jonë do të merrte fund.

Me kalimin e kohës, arritëm në një marrëveshje. Ai ra dakord të mos operohej dhe unë rashë dakord të përpiqesha të mësohesha me mënyrën si ai e shfaq veten, që do të thotë si femër – përdor grim, vesh fustane, geta dhe reçipeta. E kam shumë të vështirë të mësohem; edhe pse më tërhiqte shumë si burrë, është e pamundur të më tërheqë si grua.

Gjatë ditës shkojmë mirë, por nuk dua më të bëj dashuri me dikë që dëshiron të mos ketë penis. S’kam asnjë problem me martesat brenda gjinisë, por kjo s’është ajo që doja. Besoj me gjithë zemër se se.ksualiteti nuk është një zgjedhje; ose je gay (ose bise.ksual), ose s’je. Nëse partneri yt vendos të ndryshojë gjini, rrjedhimisht pritet që ti të ndryshosh orientim s.eksual nga heteros.eksual në homose.ksual ose e anasjellta. Vitet e fundit, vëmendja është përqëndruar te njerëzit transgjinor, por jo te partnerët e tyre.

Kemi tre fëmijë rreth të njëzetave:dy vajzat kanë bërë paqe me ndryshimin, ndërsa djali ynë është shumë i shqetësuar dhe tani i mungon një shembull mashkullor në jetë. Miqtë tanë e kanë pranuar ndryshimin; dhe mesa di unë, jam e vetmja që e thërras me emrin e vjetër.

Momentalisht, po këshillohemi me një terapist dhe shpresoj që një ditë të jemi të dy të lumtur. Kam menduar të jetoj pa të dhe thjesht nuk është e mundur.