Ndoshta s’ju ka shkuar në mendje, por këto gjëra të zakonshme ju plakin para kohe

Në këtë artikull do ju tregojmë se kush janë ato gjëra që ju plakin, duke përjashtuar ato që i dimë të gjithë: dieta e varfër dhe rrezet e tepërta të diellit.

Po flasim për takimin e manikyrit dhe gjëra të tjera si kjo, të cilat ju ftojmë t’i lexoni më poshtë.

Temperatura e dhomës

Dermatologët thonë se ajri i kondicionuar mund ta thajë shumë lëkurën tuaj sidomos nëse e keni të ndjeshme. Lëkura e thatë çon në dëmtimin e barrierave të lëkurës dhe kjo e përshpejton procesin e plakjes.

Manikyri

Xheli i thonjve mund të shkaktojë dëmtime të rënda për thonjtë dhe mund të rrisë edhe rrezikun e prekjes nga kanceri. Ky xhel vendoset duke përdorur rreze ultravjollcë dhe ekspertët thonë se mund të ketë efekte anësore të rrezikshme.

Dr. Chris Adigun, i Universitetit të Nju Jorkut, thotë se llambat me dritë ultravjollcë dëmtojnë qelizat e lëkurës.

Mëngjesi

Mund të mendoni se një fetë bukë me reçel në mëngjes është shumë e mirë, por Milena Naydenov, terapiste estetike në Londër, shpjegon se buka ka sheqer, reçeli po e po dhe kjo e prish fytyrën. “Sheqeri i tepërt stimulon zhvillimin e radikaleve të lira”, shpjegon Milena.

Kjo nuk do të thotë të rrini pa konsumuar vaktin më të rëndësishëm të ditës.

Të qëndruarit vonë në punë

Një kombinim i stresit me qëndrimin vonë në punë mund të jetë shumë i dëmshëm për lëkurën tonë. Rrathët poshtë syve, lëkurë e thatë dhe akne janë pasojat e këtij kombinimi. Gjithashtu stresi prish edhe gjumin, duke bërë që të dukeni më të vjetër.